Президент Садыр Жапаров Токиого расмий сапарынын алкагында 19-декабрда Жапониянын императору Нарухито менен жолукту. Өлкө башчы визиттин алкагында “Борбор Азия – Жапония” форматындагы алгачкы саммитке катышат жана Борбор Азия – Жапония бизнес форуму да өтөт.
17-декабрда Жогорку Кеңештин депутаттары ант берип, парламенттин 8-чакырылышы ишин расмий баштады. Беш депутаттык топ түзүлүп, Нурланбек Тургунбек уулу парламенттин төрагалыгына экинчи жолу шайланды. Парламенттин бул чакырылышы канчалык эркин, көз карандысыз болот деген суроо күн тартибинде турат.
Жергиликтүү медиада "Бишкекте ырчы Валерий Меладзенин концерти болбой калды" деген маалымат тарады. Бул тууралуу "Абзац" аттуу орус басылмасына орусиялык медиаменеджер Павел Рудченко комментарий берген.
Кыргызстандын Конституциялык соту Баш мыйзамга өлүм жазасын киргизүү тууралуу президенттин сунушун кароодо. Эл аралык жана жергиликтүү укук коргоо уюмдары өлкөдө өлүм жазасын кайтаруу эл аралык милдеттенмелерге каршы келерин эскертүүдө.
5-ноябрга караган түнү Кыргызстандын көпчүлүк аймактарына кар жаап, жолдогу унаа каттамын жайлатып, тыгын пайда болду. Төө-Ашууда жайкы дөңгөлөк менен жүргөн унаалар жолду жаап калганы боюнча тасмалар интернетке тарады.
Кыргызстанда соңку бир суткада эле жол кырсыгынан жети киши каза болду. Адистер айдоочулар өзүнүн жана жүргүнчүлөрдүн коопсуздугуна кайдыгер мамиле жасап жатканын белгилешет.
Бишкек шаарынын жаңы башкы планынын долбоору жарыяланды. Алдын ала маалымдалгандай, шаардын айланасында темир жол магистралын төшөп, ичинде тыгынды жоюу үчүн трамвай жүргүзүү каралууда. Планда шаарды жашылдандыруу үчүн 1,5 миң гектар жер каралары жазылган.
Тажикстандагы “Борбор Азия-Орусия” саммитине алты өлкөнүн президенттери катышты. Анда кыргыз президенти Садыр Жапаров бул форматтагы биринчи саммиттен бери Борбор Азиядагы коопсуздук кырдаалы оң жагына өзгөргөнүн айтты.
Бишкектин Ак-Ордо-3 конушундагы эки адамдын өлүмү боюнча жаңы жагдайлар чыкты. Шектүү үйгө акча үчүн киргенин айтса, маркумдун жубайы кылмышка шектүү чын эле милиция кармаган 19 жаштагы жигит экенин тааныды.
Бишкектин Ак-Ордо конушунун айрым тургундары мыйзамсыз курулган деген негизде турак жайларын бузууга эскертүү берилгенине даттанууда. Ал тапта Бишкек мэриясы мыйзамсыз курулуштарды бузууну убактылуу токтоткондугун жарыялады.
Бишкектин Биринчи май районунун аймагында митинг-пикет өткөрүүгө салынган тыюу кайрадан узартылды. Шаардын негизги аянттарында акция өткөрүүгө тыюу салынганына үч жылдан ашты.
БШК мөөнөтүнөн мурда өтчү парламенттик шайлоо алдында 30 округдун чегин аныктады. Анда айрым райондор биригип, бул бөлүштүрүүгө нааразы болгондор да чыкты. Ошондой эле бул парламенттик аралыктан добуш берүү ыкмасы кирет. БШКнын төрагасы Тынчтык Шайназаров "Азаттыктын" суроолоруна жооп берди.
Казакстандын президенти Касым-жомарт Токаев Бишкекке расмий сапар менен келди. Бул сапарда эки тараптуу соода алакасы, чек ара маселелери, суу ресурстарын пайдалануу жана инвестициялык кызматташтык тууралуу сөз болду. Эки тараптуу сүйлөшүүлөрдүн жыйынтыгы боюнча бир катар документтерге кол коюлду.
Бишкектин Көк-Жар конушунун 172-контурунда жашаган тургундар президент Жапаровго, УКМК төрөгасы Ташиевге кайрылды. Буга чейин ал жердеги мыйзамсыз делген курулуштарды бузуу учурунда бир нече кишини милиция кармап кеткен.
Экс-президент Алмазбек Атамбаев башкы фигурант болгон Кой-Таш иши боюнча сотто жакын арада өкүм чыгары күтүлүүдө. Прокурор Атамбаев баштаган бир нече адамды 10-11 жылга эркинен ажыратууну сурады.
Жогорку Кеңеш 9-апрелдеги жыйынында “Жалпыга маалымдоо каражаттары жөнүндө” мыйзам долбоорун биринчи окууда колдоду. Медиа коомчулук менен макулдашылып иштелип чыккан долбоорго депутаттар бир катар сунуш-пикирлерин беришти.
Жер кодексинин жаңы редакциясына нааразылар 1-апрелде Бишкектеги Максим Горький атындагы бакчада акцияга чыгышты.
Тажикстандын президенти Эмомали Рахмондун Бишкекке мамлекеттик сапары башталды. Анын эки күндүк сапарында президент Садыр Жапаров менен жолугуп, кыргыз-тажик чек арасын тактоо боюнча келишимге кол коюлары күтүлүүдө.
Президент Жапаров Беларуста баш калкалап жүргөн мурдагы президент Курманбек Бакиевдин иниси Жаныш Бакиев жана уулу Максим Бакиев Кыргызстанга келсе камакка алынарын айтты. Президенттин бул билдирүүсү соцтармактарда "Максим Бакиев Кыргызстанга келди" деген сөздөр жүрүп жаткан учурга туш келди.
Кыргызстанда MCN coin аттуу күмөндүү криптоактивдин түрүн жарнамалоо күчөдү. Адистер бул ачыктан-ачык "каржы пирамидасы" экенин эскертип, андан оолак болууга чакырууда. Финансы рыногун жөнгө салуу жана көзөмөлдөө кызматы анын ишмердүүлүгүн укук коргоо органдары текшерип жатканын маалымдады.
Дагы жүктөңүз
